Саметова Ф.Т., Өскенбаев А.А., Өскенбай М.А., Мұхаметбеков Д.А.

«SMARTBOOK» мектепке дейінгі оқыту интерактивті дамыту бағдарламасы – мектепке дейінгі жастағы балалардың интеллектуалды дамуын жетілдіруге арналған электрондық оқу құралы. Бағдарлама үш тілде құрастырылған: қазақ, орыс және ағылшын. «SMARTBOOK» екі үлкен блоктан тұрады: Әліппе (қоршаған ортадағы заттар мен құбылыстар туралы мәліметтер) және Бәрін білген қандай тамаша! (өткен материалды бекіту). Блоктардың әрқайсысы бірнеше тараудан тұрады: Санауға үйренеміз. Түстерді ажыратамыз. Зейін болайық. Оқуға үйренеміз. Өнімді жинаймыз. Дәрумендер – көкөністерде! Бізді қоршаған әлем. Жануарлар әлемі. Біздің қанатты достарымыз. Менің Елім. Мен Отанымды жақсы көремін! Тараулар төмендегідей тақырыптарды қамтиды: сандар, түстер, пішіндер, азбука, жеміс-жидектер, көкөністер, үй жануарлары, аңдар, құстар, Қазақстанның танымал жерлері, еліміздің рәміздері. Теориялық мәліметтер балалардың жас ерекшеліктеріне сай және мектепке дейінгі тәрбие мен оқытудың білім беру бағдарламаларының талаптарына сәйкес. Практикалық блок алынған мәліметтерді қайталауға және бекітуге арналған. Сонымен қатар бағдарламаның қосымша пернесі балаларға сурет салуға, жазуға мүмкіндік береді, тақта міндетін атқара алады. Бағдарламамен жұмыс электрондық оқу құралы құрылымының жеңілдігіне байланысты қиындықтар тұғызбайды, ол мектепке дейінгі ұйымның оқу-тәрбие үдерісінде және де ата-аналар оны балаларды дамыту құралы ретінде қолданыла алады. Келтірілген тапсырмалар тілдің дамуына, есте сақтау қабілетінің артуына, логикалық ойлауға, қиялдануға, ой-өрісінің кеңеюіне мүмкіндіктер туғызады. Балаларға – ойын, педагог пен ата-анаға – баланы оқыту мәселесінің шешімі.